ကားမောင်းနှင်ရခြင်းကို ချစ်မြတ်နိုးသူတိုင်းအတွက်

MAZDA ဒီဇိုင်း

သက်မဲ့ သတ္ထုပြားတွေကို အသက်ဝင်လှုပ်ရှားလာစေခြင်း

ပျော်ရွှင်ကြည်နူးဖွယ် မောင်းနှင်ခြင်းအတွေ့အကြုံစစ်စစ်ကို ပေးစွမ်းနိုင်ဖို့Mazda ကားတွေကို ဖန်တီး ထုတ်လုပ်ပါတယ်။ ဒီလိုဖန်တီးရာမှာ Mazda ရဲ့ ထူးခြားတဲ့ပင်ကိုအရည်အသွေးနဲ့စိတ်ဝိဉာဏ်တွေကို သီးသန့်ဖော်ပြပေးနိုင်ပြီး ညှို့ငင်ဆွဲဆောင်မှုရှိတဲ့ ကားဒီဇိုင်းကနေ အစပြုရပါတယ်။ Mazda ကနေထုတ်လုပ်လိုက်တဲ့ ကား Model တိုင်းသည် လူသားတွေရဲ့ အာရုံ ငါးပါးကို အပြည့်အဝဆွဲဆောင်မှုရှိစေကြောင်း ကားဒီဇို်င်းကနေ ပြောပြပေးပါတယ်။ ဒီလို ဒီဇိုင်းတွေကို ဖန်တီးရခြင်းရဲ့ ရည်ရွယ်ချက်ကတော့ ကားရဲ့ စက်ပိုင်းဆိုင်ရာတုန့်ပြန်မှုတွေက ကားမောင်းသူ အတွက်အရေးကြီးသလို ကားမောင်းသူသင့်ရဲ့ စိတ်ခံစားမှုပိုင်းဆိုင်ရာတုန့်ပြန်မှုတွေကလည်း ကားအတွက် အင်မတန်အရေးကြီးတာကြောင့်ဖြစ်ပါတယ်။

အမြင့်မားဆုံး လက်မှုအနုပညာ

အနုပညာရှင်တွေက ပရိတ်သတ်ရဲ့ လက်ခုပ်သံကိုကြားရဖို့ အကောင်းဆုံးကြိုးစားဖျော်ဖြေကြသလို Mazda ကလည်း မောင်းနှင်သူတွေရဲ့ စိတ်ခံစားချက်တွေ နိုးကြွလာစေဖို့အတွက် ကားကိုဒီဇိုင်းလုပ်ဖန်တီးထားတာပါ။ စစ်မှန်တဲ့အနုပညာဆိုတာ လူသားတွေရဲ့ လက်နဲ့ကိုယ်တိုင်ဖန်တီးမှုကနေ စတင်ကြရပါတယ်။ အနုပညာမြောက်တဲ့ ကားပုံစံငယ်တစ်ခု ထုတ်လုပ်ရာမှာ ကျွန်တော်တို့အနေနဲ့ စိတ်လှုပ်ရှားစရာကောင်းပြီး နှစ်လိုဖွယ်ရှိတဲ့ ပုံစံများစွာကို လူသားတွေရဲ့လက်နဲ့စမ်းသပ်ဖန်တီးကြည့်ရပြီး ဒါကို စူးစမ်းရှာဖွေပြင်ဆင်ခြင်းလို့လည်းခေါ်ပါတယ်။

KODO:"သက်ဝင်လှုပ်ရှားလာခြင်း"

Mazda ရဲ့ KODO ဒီဇိုင်း ဖီလော်ဆော်ဖီဆိုတာကတော့ ရပ်တန့်နေတဲ့အရာဝတ္ထုကိုတောင် သက်ဝင်လှုပ်ရှားနေတယ်လို့ခံစားရအောင် တီထွင်ဖန်တီးခြင်းဖြစ်ပါတယ်။ ဒီဇိုင်နာတွေ ထုတ်လုပ်လိုက်တဲ့ကား model တိုင်းမှာ ထူးခြားတဲ့ကိုယ်ပိုင်သွင်ပြင်နဲ့ပြည့်ဝစေသလို ကားဒီဇိုင်းတိုင်းက သက်လှုပ်ရှားမှုရှိနေတယ်လို့ခံစားရစေအောင် ဒီဖီလော်ဆော်ဖီက အထောက်အပံ့ပေးပါတယ်။ ကားတွေဟာ ကျွန်တော်တို့ရဲ့ ဖန်တီးမှုအနုပညာဖြစ်ပြီး ကားမောင်းသူတွေက မောင်းနှင်လို့စိတ်ကျေနပ်ပျော်ရွှင်ရတယ်ဆိုရင် ကျွန်တော်တို့က ဒီအနုပညာပေါ်မှာဂုဏ်ယူရတာပါပဲ။

ရွှံ့စေးဖြင့်တည်သော ကတိသစ္စာတရား

ကျွန်တော်တို့သည် ကွန်ပျူတာ အထောက်အကူပြုပြီး ပုံစံထုတ်နိုင်တဲ့ ရွှေခေတ်ကိုရောက်နေပါပြီ။ ဒီနည်းပညာတိုးတက်မှုတွေကကျွန်တော်တို့ကို လွန်ခဲ့တဲ့နှစ်အနည်းငယ်ကအထိ မျှော်လင့်မထားနိုင်ခဲ့တဲ့ တိကျသေသပ်မှုတွေနဲ့3D ကား model တွေကိုဖန်တီးနိုင်စွမ်းရှိလာစေပါတယ်။ ဒါပေမယ့် Mazda ကားတွေရဲ့ ဒီဇိုင်းကတော့ ရွှံ့စေးတုံး တစ်တုံးကနေပဲ အစပြုတာပါ။ ဒါကိုဘာနဲ့မှအစားထိုးလို့မရပါဘူး။ ဒီဇိုင်းအနုပညာရှင်တွေဟာ ရွှံ့စေးတုံးပေါ်မှာ လိုချင်တဲ့ ဒီဇိုင်းအလှတွေပေါ်လာတဲ့အထိ သူတို့ရဲ့ လက်မှုပညာကိုသုံးပြီး ဒီဇိုင်းဖော်ယူပါတယ်။ ပြီးမှသာ ဒစ်ဂျစ်တယ်နည်းပညာနဲ့ပေါင်းစပ်ပြီး နောက်ဆုံးပုံစံကိုထုတ်လုပ်ပါတယ်။ ဒီလို လက်မှုပညာနဲ့ဒစ်ဂျစ်တယ် နည်းပညာပေါင်းစပ်မှုက တသီးတစ်ခြား ထူးခြားဆန်းသစ်ပြီး ဆွဲဆောင်မှုရှိတဲ့ ဒီဇိုင်း အလှတရားကိုရရှိစေပါတယ်။

ကားတစ်စီးအဖြစ်သို့စတင်ပုံသွင်းခြင်း

နောက်ဆုံးအချောသတ် ဒီဇိုင်းပုံရရှိပြီးနောက်မှာ Koji Fuji လို ကျွမ်းကျင်ပညာရှင်တွေက Scale Model တွေကိုစတင် ဖန်တီးပါတယ်။ သူ့ရည်ရွယ်ချက်ကတော့ အင်မတန်ပြီးပြည့်စုံတဲ့ Scale model တစ်ခုထွက်လာဖို့ပါ။အကယ်၍ ဒီဇိုင်းနဲ့ Scale Model ကြားမှာ အကွာအဟရှိနေခဲ့ရင်လည်း နှစ်ဖက်ပြန်လည်ညှိနှိုင်းပြုပြင်ကြခြင်းက Mazda ရဲ့ ဒီဇိုင်းဆိုင်ရာ ပူးပေါင်းဆောင်ရွက်မှု လုပ်ငန်းစဉ်တစ်ခုလည်းဖြစ်ပါတယ်။ အရည်အသွေးပိုင်းကိုတော့ ဘယ်တော့မှအထိအခိုက်မခံပါဘူး။

ဇိမ်ယူဖို့ကောင်းလွန်းတဲ့ အတွင်းခန်း

Mazda ကားကိုကြည့်လိုက်တာနဲ့ချက်ချင်း မောင်းနှင်ချင်စိတ်တွေဖြစ်လာစေဖို့ဆိုတာ ကျွန်တော်တို့ရဲ့မျှော်လင့်ချက်တစ်ခုပါ။ ဒါ့အပြင် အတွင်းခန်းကိုဝင်ထိုင်လိုက်ချိန်မှာလည်း ယခင်နိုးကြားနေတဲ့မောင်းနှင်ချင်စိတ်ကို ပိုပြီးတက်ကြွလာအောင် ဖန်တီးပေးချင်တာပါ။ ဒါကို အတွင်းခန်းဖန်တီးသူ ဒီဇိုင်နာတွေက သက်သောင့်သက်သာဖြစ်မှုတွေနဲ့လွှမ်းခြုံ အကောင်အထည် ဖော်ပေးပါတယ်။ အမျိုးမျိုးပုံထုတ်၊ ပြန်ပြုပြင်၊ ပိုကောင်းအောင်လုပ် စသည်တို့ကိုအထပ်ထပ်ပြုလုပ်ပြီးချိန်မှာ ကားနဲ့မောင်းနှင်သူကို အကောင်းဆုံးချည်နှောင်မိစေမယ့် အတွင်းခန်းအသွင်အပြင်ကိုရရှိစေပါတယ်။ လူတွေက ခရီးသွားရင်း ကားထဲမှာ အချိန်များစွာကုန်ဆုံးကြလေ့ရှိတာကြောင့် ကားအတွင်းခန်းကို မိမိအိမ်သဖွယ် နွေးထွေးသာယာမှုမျိုးကို ခံစားရအောင် Mazda Designer တွေက အသေးစိတ်တီထွင်ဖန်တီးပေးထားတာဖြစ်ပါတယ်။

အကောင်းဆုံးအရည်အသွေးမြင့် ဆေးသား

ဒီဇိုင်းနဲ့scale model ထုတ်လုပ်တဲ့အပိုင်းတွေမှာ အင်မတန်အသေးစိတ် ဂရုတစိုလုပ်ခဲ့ကြသလို ကားကို ဆေးရောင်မှုတ်ပီဆိုရင်လည်း ထိုနည်းတူပါပဲ။ ဆေးရောင် ဒီဇိုင်နာနဲ့ ဆေးမှုတ် ပညာရှင်တို့အတူတကွပူးပေါင်းကာ ဒီဇိုင်နာလိုချင်သော ကားအရောင်ကို အတိအကျရရှိလာဖို့ကြိုးစားလုပ်ဆောင်ကြပါတယ်။ အချိုးအဆ ကျနလွန်းတဲ့ဆေးရောင်စပ်မှုနဲ့ကျွမ်းကျင်တဲ့ ဆေးမှုတ်မှုတွေက ကားရဲ့ဒီဇိုင်းကို ရင်သပ်ရှုမောဖွယ်လှပနေအောင် အထောက်အပံ့ပေးပါတယ်။ Soul Red Crystal Metallic အရောင်ကတော့ ဒီလိုအသေးစိတ်စနစ်တကျ ဆေးမှုတ်ထားနိုင်မှုရဲ့ လှပတဲ့ဥပမာတစ်ခုပဲဖြစ်ပါတယ်။

"ကျွန်တော်တို့ရဲ့ စိတ်မှာတော့ အနီရောင်ကသာလျှင် ကားတစ်စီးဖန်တီးရာမှာ Mazda ရဲ့ စိတ်အားထက်သန်လွန်းမှုနဲ့နှစ်မြှုပ်လုပ်ကိုင်နိုင်မှုကို အတိအကျဖော်ပြပေးနိုင်တယ်လို့ယူဆထားပါတယ်။"

- SOUL RED CRYSTAL METALLIC အပေါ် ဆေးရောင်ဒီဇိုင်းပညာရှင် AKIHIRO HOSONO ၏ ပြောကြားချက် -

YANGON: No. 51, Pyay Road, 7 ½ Miles, Mayangone Township

09 897 837 897 - 01 967 0286

MANDALAY: No. 10(A), The corner of 77th & 35th Street, Mahar Aung Myay Township

09 456 1111 04 - 09 465 1111 05