ကားမောင်းနှင်ခြင်းရဲ့ အနာဂတ်ကို ပုံဖော်ခြင်း

Mazda ၏ တည်ထွင်ဆန်းသစ်မှု

ကားမောင်းသူတွေအတွက် ရပ်တည်ကာကွယ်ပေးမှု

Mazda မှာတော့ ကားမောင်းသူတွေ နဲ့ သူတို့ရဲ့ စိတ်ခံစားချက်တွေကိုသာ အမြဲဂရုစိုက်ပါတယ်။ ဘာကြောင့်လည်းဆိုတော့ကားမောင်းတယ်ဆိုတာ ကားတစ်စီးကိုလည်ပတ်ရွေ့လျားစေခြင်းဆိုတာ ထက်များစွာပိုတယ်ဆိုတာ သိနေလို့ပါ။ တကယ်တော့မောင်းနှင်ခြင်းဟာ ထိတွေ့ခံစားမှုတစ်မျိုးပါ။ ကားတစ်စီးဟာ မောင်းနှင်တဲ့နေရာမှာ ချောမွေ့စွာ အလုပ်လုပ်ဖို့သာမက မိမိလိုသလို ကွေ့နိုင်ပတ်နိုင်၊ ရပ်နိုင် ရွှေ့နိုင်ခြင်း၊ မောင်းသူနဲ့ကား တစ်သားတည်းဖြစ်ပြီး မောင်းရတာယုံကြည်မှုအပြည့်ရှိစေခြင်း၊ မောင်းသူလိုအပ်ရင်လိုအပ်သလို အလိုက်တသိတုန့်ပြန်နိုင်စွမ်းရှိခြင်းတွေနဲ့ မောင်းနှင်ခြင်းအတွေ့အကြုံကိုအမြင့်ဆုံးထိရရှိအောင် မြှင့်တင်ပေးနိုင်ဖို့လိုပါတယ်။ ဒါတွေအားလုံးကိုပေးစွမ်းဖို့အတွက် Mazda ကတည်ရှိနေရတာပါ။

MAZDA ရဲ့ SKYACTIV နည်းပညာ

စနစ်တစ်ခုရဲ့အတွင်းက အစိတ်အပိုင်းတွေကို အကောင်းဆုံးအတူတကွအလုပ်လုပ်ဖို့ တီထွင်ဖန်တီးလိုက်တဲ့အခါ ထိုစနစ်ကအမြင့်ဆုံးစွမ်းဆောင်ရည်နဲ့အလုပ်လုပ်ပါတယ်။ ဒါကတော့ Mazda Skyactiv Technology ရဲ့ နောက်ကွယ်က ရိုးရှင်းတဲ့ idea တစ်ခုပါ။ ဒါပေမယ့် စွမ်းဆောင်ရည်ကောင်းခြင်းက တစ်ခုတည်းသော ကောင်းကျိုးတော့မဟုတ်ပါဘူး။ ပိုမိုကောင်းမွန်တဲ့ မောင်းနှင်ခြင်းအတွေ့အကြုံကိုလည်း ဒီနည်းပညာက ပံ့ပိုးပေးပါသေးတယ်။

SKYACTIV ကား ဗိသုကာပညာ

SKYACTIV ကား platform မှာပါဝင်တဲ့ ကားကိုယ်ထည်နဲ့ chassis ဟာ Mazda ရဲ့မောင်းနှင်မှုအတွေ့အကြုံကောင်းကိုပေးစွမ်းတဲ့ အချက်အချာအစိတ်အပိုင်းတွေဖြစ်ပါတယ်။ ကား chassis သည် အတူတကွမဖြစ်နိုင်ဘူးလို့ထင်ရတဲ့ စွမ်းဆောင်ရည်နှစ်မျိုးကိုတစ်ပြိုင်နက်ရရှိစေပါတယ်။ ဒါကတော့ အနှေးသွားချိန်မှာ သွက်လက်ပေါ့ပါးစေခြင်းနဲ့ မြန်နှုန်းမြင့်မောင်းနှင်ချိန်မှာ တည်ငြိမ်မှုကိုရရှိစေခြင်းဖြစ်ပါတယ်။ ကားရဲ့ frame မှာဆိုရင် ပေါ့ပါးပြီး တောင့်တင်းခိုင်မာတဲ့၊ ကြံခိုင်မှုမြင့်မားလွန်းတဲ့ သံမဏိ သံသားတွေကို အသုံးပြုပေးထားပါတယ်။

သင့်ကိုသာ ဦးတည်စဉ်းစားပြီး တီထွင်ထားခြင်း

ပျော်ရွှင်ကြည်နူးဖွယ် မောင်းနှင်ခြင်းအတွေ့အကြုံကို Mazda ကားတိုင်းမှာ စိမ့်ဝင်နေစေဖို့ လူသားဗဟိုပြုနည်းပညာတီထွင်ဖန်တီးခြင်းဖီလော်ဆော်ဖီကို အသုံးပြုရပါတယ်။ ကားတစ်စီးရဲ့ စက်ပစ္စည်းပိုင်းဆိုင်ရာစွမ်းအင်တွေကိုဦးစားပေးစဉ်းစားမယ့်အစား ကျွန်တော်တို့ကတော့ လူသားတွေကို လေ့လာမှုနဲ့စတင်ပါတယ်။ လူသားတွေရဲ့ အပြုအမူနဲ့ ဓလေ့စရိုက်တွေကို အကြိမ်ပေါင်းများစွာ သုတေသနပြုလေ့လာပြီးမှ မောင်းနှင်မယ့်သူတွေနဲ့အကောင်းဆုံး သဟဇာတဖြစ်စေမယ့်ကားမျိုးကိုတီထွင်ထုတ်လုပ်တာဖြစ်ပါတယ်။ ရလဒ်အနေနဲ့ကတော့ ကားက ပိုမိုတိကျပြီး ထိန်းချုပ်မောင်းနှင် လို့ကောင်းသလို၊ ပင်ပန်းနွမ်းနယ်မှုကိုလည်းမဖြစ်စေပါဘူး။ ဒါကတော့ ကျွန်တော်တို့ရဲ့ SKYACTIV Vehicle Dynamics နဲ့G-Vectoring Control စနစ်ကိုပေါင်းစပ်ပြီး Mazda ကားတစ်စီးကိုဖန်တီးခြင်းဖြစ်ပါတယ်။

MAZDA CONNECT

ကားနဲ့မောင်းနှင်သူကြားက နွေးထွေးတဲ့နှောင်ဖွဲ့မှုကို ထိန်းသိမ်းထားဖို့ဆိုတာ မောင်းနှင်းခြင်းသက်သက်နဲ့လည်းမလုံလောက်သေးပါဘူး။ ဒီနေ့လို အရာအားလုံးနီးပါး အချင်းချင်းချိတ်ဆက်နေကြပြီဖြစ်တဲ့ခေတ်မှာ ကားတွေဟာ ဆက်သွယ်ရေး ကိရိယာတွေလည်းဖြစ်လာပါတယ်။ ဒါသည် Mazda အတွက်တော့ မောင်းနှင်ခြင်းအတွေ့အကြုံကို ပိုမိုတိုးတက်ကောင်းမွန်အောင် ဖန်တီးတီထွင်ဖို့နောက်ထပ်အခွင့်အရေးတစ်ခုဖြစ်လာပါတယ်။ Mazda Connect ကတော့ Mazda ရဲ့မျိုးဆက်သစ် Interface တစ်ခုဖြစ်ပြီး ကားမောင်းသူလိုအပ်သမျှ သတင်းအချက်အလက်တွေနဲ့ဖျော်ဖြေရေးတွေကို ရယူအသုံးပြုဖို့ထောက်ပံ့ပေးမှာဖြစ်ပါတယ်။